السلام عليكم
قصه رائعه عليكم متابعتها حتي نهايه أحداثها ولكن وقبل الانطلاق مع احداث
تلك القصه الرائعه أحببت أن انوه علي نقطه مهمه الا وهيه أن فكره هذي
القصه مقتبسه من قصة كاتبه كوتييه أسمها (سحر)
مع تغير لبعض الاحداث والشخصيات لذا جري التنويه واذ عجبتكم وكان هنا ردود وتشجيع سوف اقوم كل يوم بطرح حلقاات تلك القصه الرائعه
------------------------
ابو ابراهيم(منصور)رجل باالخمسين من عمره أرمل شخص مريض باالقلب والسكر
والفشل الكلوى وعيبه الوحيد ان ذمته وسيعه بمعنى اخر مايميز بين الحلال
والحرام في التجاره ينصب علي عباد الله ولا يكترث لهم (فاطمه)عمرها20سنه
توفت امها وهي عمرها سته اشهر بسبب حادث أليم راح ضحيته اخوها (ابراهيم)ا
وامها وذالك في أحد ليايلي رمضان وهم متجهون الي مـــكه لاأداء فريض
العمره ومانجى من هالحادث الا (فاطمه) بفضل الله عوضها ابوها عن فقدان
امها وهي الحين ثاني جامعه بنت مثل فلقة القمر حلوه بكل معنى الكلمه تحب
شي اسمه رقص وتمارين رياضيه تخاف تمتن وطبعها هاديه ومسالمه وتكره المشاكل
بنات الجامعه يكروهونهابسبب غيرتهم من جمالها وتفوقها عكس ابوها الي كان
معروف بالسوق بنصبه واحتياله على التجار وكان شعاره<<التجاره
شطاره>>ماحسب لليوم الي ممكن يتدهور فيه.
ماجد ولد اخت منصور شاب وسيم عمره30 سنه يشتغل ضابط و اكثر شي يكره
بالدنيا خاله (منصور)من كثر مايسمع عنه وعن نصبه واحتياله وزاد هالكره
كلام امه (مشاعل) حيث كان شديد القسوه عليها وكان يضربها ويظلمها واخذ
حقها من ميراث ابوها
الجزاء الاول
ابو ابراهيم :ياصوري(الخدامه)روحي نادي فاطمه تفطر بتتأخر على جامعتها
صوري:بابا هي قول خلاص رقص يجي علي طوول
ابو براهيم(بزعل):ياهذاالرقص الي مايخلص كل يوم
فاطمه(وهي نازله مع الدرج سمعت ابوها)قالت بضحكه:صبــــــــــــاح الخيــــر يا احلي ابو بالدنيا شفيه الحلو مبوز على هالصبــــــح
ابوها(بزعل):يعني ماتدرين الله يهديك بس :يا لله كملي يا بنتي فطورك ترى تأخرنا
فاطمه(بضحكه ودلع وغرور وتأشر على خشمها):ان شـــــــــــــاالله على هالخشــــــــم المزيون
بعد ماخلصت فطورها قال ابوها:لاوالله يعني هذا فطورك!!!
فاطمه(بضحكه):تعرفني يبه اكلي خفيف وانا ماشتهي بس اكلت علشان عيونك
ابوها:يابنيتي صدقيني ماراح تمتنى لو أكلتي مره مثل الناس
فاطمه:يبه حفظت هالاسطوانه كل يوم اسمعها
ابوها:أمرى لله عنيده صدقت نوره يوم قالت طالعه على امي ((يقصد جدتها ام امها))
فطوم:ههههههههههه
خلصو فطور وطلعو عشان تاخرو علي الجامعه
في بيت ماجد((فيلاء تطل علي البحر الاحمر))
مـاجد :صباح الخيـــــر يمه
ام ماجد:هلا صباح النور هلا بنور عينى
جلس يفطروامه تصب له الشاى وتمده عليه
قالت:ابيك توصلنى على طريقك عند خالتك اميره
ماجد بتنهد:ان شاالله
امه (لازم اكلمه بموضوع زواجه من بنت اختي):ترى بكلم خالتك بموضوع خطبتك لبنتها (روان )
ماجد:الي تشوفينه ياست الكل
طلع ماجد ونزل امه عند بيت خالته
وهو في طريقه لدوام دق جواله>>>>>>> احمد يتصل بك
احمد((صديق ماجد وفي نفس عمره ومعاه بنفس العمل ضابط مثله))
احمد(بصوت عالي):ماجد الحق صارت مصيبه
ماجد(بخوف):احمد وش فيك وش صاير هدى نفسك وقولي
احمد :تعال وتعرف بسرعه
في قسم الشرطه وتحديدا مكان عمل (ماجد)
وصل ماجد بسرعة البرق
اول مادخل انصدم من الي شافه خاله (منصور) ماسكينه باالقسم
دخل على مكتب أحمد وقال بنرفزه:وش حصل وش عنده خالي هنا؟؟؟
احمد(بضيق):مسكو خالك بسبب قضية نصب واحتيال
ماجد (وهو بقمة الاحراج والفشيله )قال :مو جديد عليه النصب وش المطلوب مني اتوسط له مثلا!
احمد(بحزن):مراح تنفع واسطتك لان المحكمه بتحكم بالقضيه غدا هو طلب يشوفك ضروري
ماجد(بتعجب):انا ليش يبي يشوفني!
احمد:مادري بدخله لك واسمع منه وشوف ايش يبي منك
بعد فترة دخل (منصور) وهو منزل راسه وحاس بالعجز وقلة الحيلة
لاكن بعد ايش بعد ماطاح الفاس بالراس
ماجد(وهو يلتفت لخاله)(اكرهك ياخال وزاد كرهي لك اليوم بعد مافشلتني قدام زملائي)قال بعصبيه:خيــر يقولون طالبني شتبي؟
منصور(بحزن)(ادري ياماجد بتقول توك تذكرني بس غصب عني بسبب امك)قال:ادري
انك بتقول توك تذكرت ان عندك ولد اخت بس شسوي احس اني عاجز ومحتاج مساعدتك
ضروري
ماجد(بتأفف):ترى وراي شغل قول شعندك
منصور(بحزن):بنتي ياماجد
ماجد(بتعجب):بنتك!شفيها؟؟؟
منصور)بنتي وحيده ومالها احد غيري وانا مثل ماانت شايف
ماجد(بنرفزه)(وانا وش خصنى فيك وفي بنتك):المطلوب مني؟؟؟
منصور(بحزن):ازوجكياها عشان اتطمن انها بخير
ماجد وعيونه تدور بين خاله وأحمد الي جالس معاهم قال (بعصبيه):ايش عيد ما سمعت
منصور(بترجي):تكفى وانا خالك لاتردني
أحمد(كسر خاطره منظر منصور وخوفه على بنته)قال لماجد لاتنسى تراها عرضك وابوها يقول مالها حد غيرك
ماجد(وهو متفشل من كلام احمد سكت مايدري ايش يقول)
طال صمت ماجد واضطر احمد انه يطلع ويخليهم
بعد فترة قال ماجد من غير نفس:خلاص موافق
منصور(والفرحه بعيونه لانه تطمن على بنته)قال(بفرح):مشكور والله يجزاك خير روح اجل جيب الماذؤن بســـرعه
ماجد(بتعجب)(مالت ماصدق يفتك منها)قال:الحــيـن!!!
منصور ايه الحين لان كل املاكي احجرو عليها حتى البيت فلازم ماتقعد فيه من اليوم
ماجد(في خاطره)(انا تفشلني هالاشكال بس هين ان ماأخذت حقي من بنتك الي
بتزوجنياها)سكت شوي بعدين قال(آآآآه يا القهـر ماجد الي الكل يتمناه يتزوج
بنت مجرم وباقسم الشرطه هين ياخال والله لارد اعتباري من بنتك انا انت
مااحبك فشلون بنتك اكيد بتكون مثلك نصابه)
طلع ماجد وشاف احمد
احمد وهو يسأل:ايش صار ؟؟؟
ماجد(بتنهد):شنو توقع بسوي
احمد:
اكيــــــــــــد بتوافق عشان ضميرك يبي يأنبك اا خليت بنت خالك بروحها
ماجد(بعصبيه):أي وافقت بس مو عشان ضميري عشان احرق قلبه في ضناه ان ماخليتها خدامه وذليتها مثل ماابوها ذل امى وطردها وسلب حقها
احمد(بتعجب):ماجدايش جالس تقول انت اكيد تترييق
ماجد(بصراخ):لاوالله مااتريق وبتشوف ايش اسوي فيها
احمد(بعصبيه):خاف ربك ايش ذنب البنت
ماجد(بعصبيه):ذنبها انه ابوها وبلاني فيها غصب انا هو مااطيقه نصاب حرامي اشلون بنته
احمد(بحزن):لاتشمت ياماجد الشماته مو زينه ولاتظلم بنت بذنب ابوها
ماجد(بنرفزه):انت ماتعرف خالي ايش سوا في امي كان ماقلت هالكلام
احمد(بهتمام):شنو سوى فيك يا ماجد انت بس تكرهه عشان نصبه على الناس
طلع ماجد وهو واصل حده من كلام احمد وراح يجيب الماذؤن عشان يخلص موضوع الزواج
بعد مرور ساعه
وصل ماجد ومعاه الماذؤن دخل على خاله وتمت الملكه
وصارت الحين فاطمه حمامة السلام بين يدين النسر ماجد ماتدري ايش راح يواجها من مصير مع ماجد
في بيت ابو براهيم ( منصور)
فاطمه بعد مارجعت من الجامعه مع السايق سألت عن ابوها وانتظرته على الغداء وماجا
سألت الخدامه عنه اذا اتصل او شي فقالت لها انه من طلع مااتصل ولا رجع للبيت
حست فاطمه بالخوف وقعدت تتصل فيه وحصلت جهازه مغلق راحت ونامت ووصت الخدامه اذا وصل تصحيها لانها ماتعودت تاكل بدونه
بعد الملكه اخذ ماجدعنوان بيت خاله الي ماقد دخله طول عمره ولا يعرف طريقه وراح للعنوان
في الطريق دق على امه وقالها عن السالفه كلها وانها تجهز غرفه لهالعله بنت خاله
ثارجنون (ام ماجد)وقامت تسب وتلعن في اخوها منصور وبنته وتتوعد بتعذيب بنته
عشان تبرد حرتها من منصور ؟
بعد ماوصل ماجد للعنوان وهو يسفط سيارته
ماجد(وهو واقف عند باب بيت خاله)(يفكر كيف بتكون ردت فعل بنت خاله اذا اعرفت ايش صار لابوها وايش ينتظرها من عذاب معاه)
وهو يدق جرس الباب فتح له السايق دخل بسرعه ولاعبره حاول السايق يمنعه بس
يوم شاف لبسه الرسمي وقف وسكت<مافي اليد حيله> خاف يتسفر ههههه
دخل البيت وهو في نص الصالة طالع في فخامة البيت وقعد يضحك وقال:ههه والله وطحت ياخال ومحد سمى عليك صدق لي قالو مال الحرام مايدوم
صرخ ماجد بأعلى صوته للخدم جت صورى وهي ترجف من الخوف قالت:يس
ماجد(بصــــــراخ):وين الانسه فاطمه(يتطنز)
صورى(بخوف):في دار نوم بابا منصور في شي
ماجد(بعصبيه):وانتي وش لك خص روحي نادي هالعله بسرعه
في غرفة فاطمه صحت على صوت الصراخ ونادت الخدامه بس ماسمعتها وبعد فترة جتها صورى وهي ترجف من الخوف
صورى:ماما في تحت بوليس يبي انتي ضروري
فاطمه(وقلبها يرجف من الخوف):ياويلي اكيد صار لأبوي شي ياحسرتك يافاطمه ضعتي
لبست بسرعه وراحت جرى تبي تعرف وش السالفه نزلت ودخلت الصالة ولاتشوف ذاك الرجال الي واقف والشرار يتطاير من عيونه من العصبيه
(وقفت قدامه وهي ترجف وعيونها تدمع):خير اخوي ابوي فيه شي
طمني الله يخليك عليه
ماجد(وهو رافع خشمه ولف يطالع بفاطمه بكبرياء بس يوم شاف وجها الملائكي حس
بكهربه بس مسرع ماصد هالاحساس)وقال(بنرفزه وهو يأشر بصبعه عليها):الحين
انتي فاطمه بنت خالي منصور؟
فاطمه(صدق فاضي وهي مصدومه من كلامه):ممكن اعرف ابوي وين وانت شتبي جاي هنيه؟؟؟؟
ماجد(جاي اخذ حقي يابنت منصور):ابوك ممسوك عندنا بقضية نصب واحتيال وبكره محاكمته يامدام
فاطمه(بخوف):انت اكيد تكذب علي
ماجد (بعصبيه):وليش اكذب عليك يامدام
فاطمه(شفيه ماسك علي يامدام وهي ساكته)
ماجد وهو يكمل:وقبل لايقطونه بالسجن تذكر ولد اخته قال خل اضمن مستقبل بنتي
وازوجها له بس موعلى كيفه يتحكم بمستقبلي انا هو مااحبه شلون اخذ بنته
فاطمه(بصراخ في وجه ماجد):كذاااااااااااااااب ابوي مو نصاب انت النصاب والxxxx
ماجد(راح لها بسرعه وجرهاااا من شعرها)وقال:انا النصاب يابنت النصاب
ورماها على الارض بدون رحمه وقال(بعصبيه):شوفي قدامك ساعه على ماتلمين اغراضك
فاطمه(وهي تصارخ وتبكى)وصورى ماسكتها وتقعدهاقالت:مراح اطلع من هنا فاهم
راح لها ماجدووقف قدامها وجرها من خدودها وقال :لابتمشين غصب لان العز الي
انتي عايشه فيه ماعاد لكم وبعدين بتجين عندي في بيتي خدامه فاهمه خدامه
طلعت فاطمه الدرج وهي تصيح ومعاها صورى الي شهدت كل الاحداث راحت لغرفتها
وجهزت لها صورى كل اغراضها ونزلتهم لسايق ياخذهم لسيارة ماجد
بعد فترة جهزت فاطمه ونزلت تحت وهي خايفه من مصيرها المجهول مع هالماجد
ركب ماجدسيارته(بي إم دبليو)ينتظر فاطمه تطلع وعصب لانها طولت بعد فترة
طلعت فاطمه من بيت ابوها وهي تودعه بنظراتها الاخيره له ماتدري هل بيجي
يوم وترد لهالبيت وتعيش مع ابوها مثل اول او لا
ماجد (فتح قزاز سيارته وهو يصرخ):يله بســــــــرعه سواق ابوك انا
فاطمه(بخوف)وهي تفتح الباب الخلفي وتركب
ماجد(ماعلق على ركوبها ورى)(وقال بنفسه فـــكـــــــــه)قال
لها(بعصبيه):ساعه على ماتجهزين مصدقه نفسك انك عرووسه مالت عليك وعلي
ابــــــــوك
__________________________________________________ _________
كيف راح يكون نوع استقبال ام ماجد لفاطمه؟؟؟
وايش توقعون مصير فطوم مع ماجد؟؟؟
اذا عجبتكم راح اكملها واذا لا راح اكتفى بهذا القدر
تحياتي لكم
الرئيسية
أحدث الصور
موضوع: رواية فاطمة وماجد / رواية رومنسيه وجريئة كاملة 
السبت سبتمبر 26, 2009 2:40 am
